ඔබගේ සැමියා මේ දේවල් 10 කරනවා නම් ඔබේ විවාහ ජීවිතය සුර පුරයක් වෙනවා නියතයි

බොහෝ තරුණියන් විශාල බලාපොරොත්තු තබා විවාහ උනත් අවසානයේ විවාහය ජිවිතයේ කටුක අත්දැකීමක් බවට පත් කර ගන්නවා . කෙසේ වෙතත් ඔබ විවාහ දිවිය ඉතා සතුටින් ගත කරන බිරිදක් නම් එසේ වීමට හේතුව ඔබේ සැමියා විසින් ඔබව සතුටු කිරීමට යම් යම් දේවල් සිදු කරමින් සිටිම විය හැකියි. ඔබත් විවාහක යුවතියක් නම් ඔබේ සැමියා මෙන්න මේ දේවල් 10 ඔබ වෙනුවෙන් කරනවද බලන්න. එසේ සිදු කරනවා නම් ඔහු මෙලොව සිටිනා හොදම හොද සැමියෙක් බවට නම් කිරීමට පුළුවන්.

1. ඔහු ඔබට නිතරම ආදරෙයි ( I LOVE YOU ) කියනවා

බැලු බැල්මට ඉතා සරල වචන 3ක් උනත් බොහෝ විවාහ සබදතා වල මේ පුංචි වචන 3 කියවෙන්නේ කලාතුරකින්. ඔබේ සැමියා ඔබ කෙරෙහි ඇති සෙනෙහස පැහැදිළිව ප්‍රකාශ කරනවා පමණක් නෙවෙයි එය ඕනෑම තැනකදී නොබියව සන්නිවේදනය කරනවා නම් ඔහු මෙලොව සිටින හොදම සැමියෙකු බවට හගවන පලවෙනි ලක්ෂණය එයයි.

2. ඔහු ඔහුගේ මවට පණ මෙන් ආදරෙයි

හොද සැමියකුගේ තවත් හොදම ලක්ෂණයක් මේක. ඔබගේ නැන්දම්මා තමයි ඔබගේ සැමියාට මුලින්ම හමුඋනු කාන්තාව. ඇය සමහ ඔහු බොහොම සතුටින් හා ආදරයෙන් කටයුතු කරලා තියෙනවා. ඉතින් අදටත් ඔහු ඔහුගේ අම්මාට ගොඩක් ආදරෙයි කියන්නේ ඉදිරියේදී ඔබටත් එළෙසම ආදරය කරනවා කියන එකට හොද ඉඟියක්.

3. ඔහු තමවත් ඔබ සමග කොමල කරනවා

හොද සැමියෙකුගේ ආදරේ කවදාවත් පරණ වෙන්නේ නෑ. ඔහුගේ ආදරය හදවතින් හැමදාමත් තරුණයි. ඔබගේ සැමියා තවමත් ඉස්සර වගේම පුංචි පුංචි දේවල් කරලා ඔබේ මුවගට නොසිතු මොහොතවල් වල සිනාවන් ගෙනෙනවා නම් ඔහු ඉතාම හොද සැමියෙක්. ඔහුව ප්‍රවේශම් කර ගන්න

4. ඔහු සෑම අවස්ථාවකදීම ඔබ වෙනුවෙන් පෙනී සිටිනවා

ඔහුගේ ජිවිතයේ අංක 1 ඔබයි. ඔබට අවැසි , ඔබ අසරණ වෙන සෑම මොහොතකදීම ඔබව අපහසුතාවයට පත් නොකර ඔහු ඔබ වෙනුවෙන් පෙනී සිටිනවා නම් ඔබව නියෝජනය කරනවා නම් ඔහු ඉතාම හොද සැමියෙකු බව මතක තබා ගන්න.

5. ඔහු ඔබට අපහසු කාර්යන් පහසු කරනවා

ඔබ අසා තිබෙනවද සමහර විවාහකයන් පවසනවා ඔවුන්ගේ සහකරු / සහකාරිය නිසා ඔවුන්ගේ ජිවිත පහසු උනා කියලා. එහෙම වෙන්න හේතුව තමයි තම තමුන්ට තනිවම ඉටු කිරීමට අපහසු කාර්යයන් දෙදෙනා සමග එක්ව බොහොම විනෝදයෙන් ඉටු කිරීම. මේකට පුංචිම පුංචි උදාහරණයක් විදියට නිවස අස්පස් කිරීම / පිගන් සේදීම වගේ පන යන වැඩකට සැමියා විසින් හොද සහයෝගයක් ලබා දීම හා එම වැඩය ඉක්මනින් හා විනෝදයෙන් නිම කිරීමට උදව් වීම පෙන්වා දිය හැකියි

6. ඉලක්ක වෙත යාමට ඔහු ඔබව දිරිමත් කරනවා

බිරිදක් විදියට ඔබටත් ජිවිතයේ විවිධ ඉලක්ක තිබෙනවා. තව දුරටත් ඉහලට ඉගෙන ගැනීම , යම් වෘත්තියකින් ඉහලටම යාම හෝ වෙනත් නිපුණතාවයක් වැඩි දියුණු කර ගැනීම වැනි ඔබ සතු ඉලක්ක වෙත යාමට ඔහු ඔබට මුදල්මය අත හිත දෙනවා පමණක් නෙවෙයි දිරිමත් කිරීමද සිදු කරනවා. ඒ හොද සැමියෙකුගේ ලක්ෂණයක්

7. ඔහු ඔබව සනසවනවා

ඔබට නරක ආරංචියක් ලැබුණු විට හෝ කව්රුන් හෝ ඔබේ සිත පලුදු කල අවස්ථාවකදී හොද සැමියෙකු අනිවාර්යයෙන්ම ඔබව යලි නගා සිටුවනවා. ඔහු ඔබ ගැන හොදින්ම තේරුම් ගෙන ඇති නිසා ඔබව සැනසීමට ඔහුට වැඩි කාලයක් අවශ්‍ය වන්නේ නෑ. ඔබ ඉදිරියේ ඔහු සතු ආදරය විදහා දැක්වීමෙන් ඔබට සියල්ල අමතක කරවීමට හොද සැමියෙකුට ලේසියෙන්ම පුළුවන්

8. ඔහු මහන්සි වී වැඩ කරන්නෙක්

ඔබේ සැමියා කිසිම වේලාවක නිකරුනේ කල් ගත කිරීමට අකමැති කෙනෙක් නම් හා කාලය යනු ලොව වටිනාම දෙය බව නිතර පවසන කෙනෙක් නම් ඔහු පවුලේ ආර්ථික තත්වය වැඩි දියුණු කිරීමට මහන්සි වී වැඩ කරන්නෙකු බව නොඅනුමානයි. ඔහු මහන්සි වී වැඩ නොකළහොත් ඔබ දුක් විදින බව ඔහු හොදින්ම දන්නවා. ඔහු එතරම්ම පවුලට ආදරෙයි.

9. ඔහු ඔබව පුදුම කරනවා

ඔබ ඔහුත් සමග ගෙවන ජීවිතය , ඉදහිට කරන විවිධාකාරයේ පුදුම කරවීම් වලින් පිරිලා නම් එහි තේරුම වන්නේ ඔහුට ඔබව ගොඩක් වැදගත් කෙනෙකු යන්නයි. කුඩා දරුවෙකු වැඩිහිටියන් පුදුම කරන්නට කුඩා කල උත්සහ කලාක් මෙන් , ඔබව පුදුම කරවීමට විවිධ දේවල් සිදු කරන්නේ ඔබට තිබෙන හදපිරි ආදරය නිසයි.ඔබව ඔහුට හුගාක් වැදගත් නිසයි

10. ඔහු ඔබව අගය කරනවා

තම බිරිදව අගය කල යුතු තැන අගය නොකිරීම යනු බොහෝ සැමියන් හිතා මතාම සිදු කරන ඉතාම නරක ක්‍රියාවක්. අගය කිරීම් යනු යහපත් සබදතාවයකට අතවශ්‍යම සාධකයක්. ඔබ යම් කිසි ජයග්‍රහණයක් ලද අවස්ථාවකදි ඔබව අගය කරමින් ඔබ ගැන මට ආඩම්බරයි පවසන සැමියෙක් ඔබට සිටි නම් ඔබ ඉතා වාසනාවන්තයි.

මේ ලක්ෂණ 10 ඔබගේ සැමියාට තිබේ නම් ඔබ මෙලොව ජිවත් වන වාසනාවන්තම බිරිදක් බවට කිසිදු සැකයක් නෑ. ඔහුව සදහටම ආරක්ෂා කර ගැනීමට උත්සහ කරන්න.

(Visited 1 times, 23 visits today)

Add Comment