දෙළුම් ගෙඩියක් ලෙලි ගසා ගන්නා පහසුම ක්‍රමය

කොපමණ ආහාරයට ගත්තද සෑහීමක් ඇති නොවන රසම රස බෙහෙත් ගබඩාවක් සොබා දහමින් මවා තිබෙනවා. ඒ ‘ දෙළුම්’  ඇපල් එක් වරක් වෛද්‍ය වරයකු වෙත යාම පමා කරන්නේ නම් දෙළුම් ඔබට වෛද්‍යවරයකු කරා යාමේ ඉඩ නැත්තටම නැති කරාවි. එය එපමණටම ගුණ ඖෂධයකි. පලතුරකි. ලතින් බසින් දෙළුම් හඳුන්වනනේ ඇපල් ඇට ලෙසයි.ඊසාන දිග ඉරානය නිජ බිම කර ගත්ත ද ඉන්දීයාවේ හිමාල පෙදෙසේත් දුරාතීතයේ සිටම මෙය ජනපි‍්‍රය පලතුරකි. අදත් ඉහළම වර්ගයේ දෙළුම් රස විඳින්න ලැබෙන්නේ ඉරානයෙනි. දෙළුම් යුෂ, පලතුරු අතර ජනපි‍්‍රයම පානයකි. අයිස් කී‍්‍රම්, යෝගට් වැනි ආහාර දෙළුම් ඇට එක්කර කෑ ගැනීමෙන් රස වාගේම ගුණය ද වැඩිවෙයි.

සොබා දහමේ ප‍්‍රබලම විස නාශකයන් දෙළුම් යුෂ සොබා දහම විසින් අපට ලබා දී ඇති ප‍්‍රබලම විස නාශකයකි. හදවත් රෝග, අකලට මහලු වීම, අධික රුධිර පීඩනය, ඇල්ෂයිමර් රෝග, පිළිකා ආදියට හේතුවන අහිතකර ද්‍රව්‍යයන්ගෙන් අපව මුදවා ගන්නේ දෙළුම්වල අඩංගු විස නාශකයි. අර්ශස් රෝගීන්ටද දෙළුම් මගින් සහනයක් ලැබීමට පුළුවන්.වෛද්‍ය ලෝකයෙහි නැතිවම බැරි ඖෂධයක් බවට දෙළුම් පත්ව තිබේ මෙහි ඇති ඖෂධීය ගුණය විවිධාකාරයෙන් මිනිසාට ප‍්‍රයෝජනවත් වෙන අන්දම ගැන නිරන්තරවම පර්යේෂණ කරමින් පවතී.පුරස්ථ ග‍්‍රන්ථියේ පිළිකා ඇතිවීම වැළැක්වීමටත් , පියයුරු පිළිකා සෛලවලට පහර දීමටත් දෙළුම්වල අඩංගු විස නාශකවලට හැකි බව පර්යේෂණ මගින් සොයාගෙන තිබේ. පුරස්ථ ග‍්‍රන්ථයේ පිළිකාවට ගොදුරු වී ඇති විට දිනකට දෙළුම් යුෂ අවුන්ස අටක් බීමෙන් පවා රෝගයෙන් සහනයක් ලැබිය හැකියි. හෘද රෝගීන් දෙළුම් අනිවාර්යයෙන්ම පානය කළ යුතුය. විස නාශකවලට අමතරව පොටෑසියම්හා විටමින් ‘සී’ ද විශාල වශයෙන් මෙහි අඩංගුය. එක් දෙළුම් ගෙඩියකින් වැඩිහිටියකුගේ දෛනික විටමින් ‘සී’ අවශ්‍යතාවයෙන් 40% ක්ම සපුරා ගත හැකියි.

දිගු කලක් ගබඩා කළ හැකියි. දෙළුම් ඇටවලට වඩා මුල්වලින් බෝ කර ගැනීම පහසුය. ඇපල් වගේම දෙළුම් ද බොහෝ කලක් තබා ගත හැකියි.දෙළුම් ගබඩා කිරීමට සුදුසුම උෂ්ණත්වය ෆැරන්හයිට් අංශක 32 – 42 ක උෂ්ණත්වයයි. මෙම උෂ්ණත්වය යටතේ මාස ගණනක් දෙළුම් සුරැකිව තබා ගත හැකියි. හොඳින් කල් තබා ගත් විට දෙළුම් ගෙඩිය කඩන විටදීටත් වඩා රසයෙන් වැඩිවේ. සිසිල් අඳුරු පෙදෙසක මාසයක් පමණ ද ශීතකරණයේ මාස 2 ක් පමණ ද ගබඩා කර තැබීමට පුළුවන්. දෙළුම් මිලදී ගන්නා විට තෝරා ගත යුත්තේ ප‍්‍රමාණයේ හැටියට වඩාත් බර ගෙඩියයි. පොත්ත ඉරි තැලී පැලී නොතිබිය යුතුයි. පොත්තෙහි තද ගතියක්, දිලිසීමක්, තුනී ගතියක් ඇති දෙළුම් තෝරා ගන්න.

දෙළුම් ගෙඩියක පොත්ත ඉවත් කර ඇට එළියට ගන්නා පහසුම ක්‍රමය පහළින් බලන්න

Add Comment