ශරීරයේ උෂ්ණ ගතිය දුරුකරන ආයුර්වේද ප්‍රතිකාර

කරන සෑම කාර්යයක්ම ප්‍රබෝධවත්ව කරගත හැකි නම් එය මනසට ගෙන දෙන්නේ මහත් අස්වැසිල්ලකි. නමුත් අපේ වැරැදි චර්යා රටා හා ආහාර පුරුදු නිසා අප විවිධ රෝගවලට ගොදුරු වන අවස්ථා එමටයි. එලෙස ශරීරයේ උෂ්ණ බව නිසා ඇතිවන රෝග ලක්ෂණද විවිධයි. අප මෙය සාමාන්‍ය ව්‍යවහාරයේ උෂ්ණ රෝග ලෙසත් හඳුනා ගැනේ. ආයුර්වේද වෛද්‍ය ක්‍රමයේ බහුලවම කතාබහට ලක්වන මෙම රෝගය මේ ලිපියේ අරමුණයි.

හෙළ වෙදකමට අනුව ශරීරයේ සියලු රෝගයන්ට වා, පිත්, සෙම යන සාධක මූලිකවම බලපාන බව පැවසේ. මෙම සාධක අපේ ඇසට ගැටෙන සරල දේ ලෙස හඳුන්වා දෙන්නේ මෙසේය. එනම් අප අවට හමන සුළග, වාතය ලෙසත්, පිත හිරුටත්, සෙම යන සාධකය සඳුටත් උපමා කරයි.

මෙම වා, පිත්, සෙම සමබරව පවත්වාගෙන යෑම නිරෝගී භාවයේ ලක්ෂණයයි. මින් එක් සාධකයක් හෝ අඩු වැඩි වීමෙන් විවිධ රෝග තත්ත්ව ඇති කරයි.

වාත ගතිය අධික නම් වාත රෝග ඇතිවිය හැකිය. පිත ගතිය අධිකව ඇත්නම් බඩ, පපුව දැවිල්ල, අතපය වේදනාව, බිබිළි මතුවීම ආදී රෝග ලක්ෂණ මතුවීමට පුළුවන.

ආමාශයේ හටගන්නා පිත ආහාර දිරවීමට ඛෙහෙවින් ඉවහල් වේ. මෙම පිත ආමාශයේ නිසියාකාරව ක්‍රියා නොකරයි නම් ආහාර ජීර්ණය අඩාල කිරීමට වුවත් හැකිය. ශරීරයේ උෂ්ණ ස්වභාවයට බලපෑම් කරන්නේද මෙම පිත වැඩිවීමයි.

පිත ඇතිවීම

ශරීරයේ පිත ඇතිවීම ජානමය බලපෑමෙන් සිදුවන්නකි. එනම් මවුපියන්ගේ ශරීර උෂ්ණ අධික ලක්ෂණ මතු කරයි නම් එය දරුවාටද එලෙස බලපෑම් ඇතිකරවයි. ඒ අනුව දරුවාගේ ශරීරයෙ උෂ්ණ රෝග ලක්ෂණ මතු කරවීමට පුළුවන. මේ අතරින් 70%ක් පමණ රෝගීන්ගෙන් දැකගත හැකි වන්නේ ජානමය වශයෙන් වන පිත වැඩි වීමේ ස්වභාවයයි.

උෂ්ණ ගතිය නිසා ඇතිවන රෝග ලක්ෂණ

• අත් පා සහ ඇගිලි කැසීම, ඇගිලිවල වේදනා

• අත්ලට හා පතුලට දහදිය දැමීම

• බිබිළි ඇතිවීම

• අම්ල පිත්ත රෝග ලක්ෂණ මතුවීම

• මලබද්ධය

• කොණ්ඩය යෑම

• යටි පතුල් පැළීම

• මඳ සරුභාවයේ ලක්ෂණද මතු විය හැකිය

• තොල් සහ කට පැළීම.

• ඇතැම් ආහාරවලට ආසාත්මිකතා පෙන්නුම් කිරීම.

• කම්මැළි ස්වභාවය

ශරීරයේ පිත අධික වීමට ඔබේ අවිධිමත් චර්යා රටා හා ආහාර පුරුදුත් බලපෑම් කරන බව ඔබ දන්නවාද? ඒවා නම්,

• නිතර වියළි මාංස වර්ග ආහාරයට ගැනීම

• නිතරම රාබු, කොල්ලු හා උඳු ආහාරයට ගැනීම.

• අච්චාරු ආදී සැර ආහාර ගැනීම

• මිරිස් හා තෙල් අධික ආහාර ගැනීම

• නිතර කේන්ති යෑම

• දහවල් කාලයේ නිදා ගැනීම

• නිදි වැරීම

• නිතරම කඩ කෑම ආහාරයට පුරුදු වී සිටීම.

මීට අමතරව මුරුංගා, දැල්ලන්, රතු පරිප්පු, හරක් මස්, ඉස්සන්, තක්කාලි, කිරි අල, මඤ්ඤොක්කා ආදී ආහාරවලින් වැළකී සිටිය යුතුය.

මන්ද නිතර ඉස්සන්, දැල්ලන් වැනි උෂ්ණ අධික ආහාර ගැනීම පිළිකා ඇතිවීමට අත වැනීමක් වන බැවිනි. එවිට ගර්භාෂ, පියයුරු වැනි ශරීරයේ සියුම් ස්ථානවල පිළිකා ඇතිවීමට හැකියාව ඇත. එම නිසා ඉහත කී උෂ්ණ අධික ආහාරවලින් වැළකීම ඔබේ යහපත් සෞඛ්‍යයට හිතකරය.

ප්‍රතිකාර

මෙවන් උෂ්ණ රෝග ලක්ෂණවලට ජානමය බලපෑමද ඇතිවීමට හැකි නිසා එය පාලනයට ප්‍රතිකාර ගත යුතුය. ඒ සඳහා ආයුර්වේදයේදී කටු තිත්ත කෂාය වර්ග උෂ්ණ රෝගීන්ට නිර්දේශ කරයි.

මීට අමතරව ශරීරයේ උෂ්ණ ගතිය පහ කිරීමට හෙවත් ඇග නිවීමට බාර්ලි තම්බා පානය කිරීමත් රණවරා පානය කිරීම හා හාතවාරිය කැඳ සාදා පානය කිරීමත් සුදුසුයි. කොහිල කැඳ පානය සුවිශේෂී වන්නේ එමගින් මුළු ශරීරයේම දාහය නිවන බැවිනි.මෙලෙස ආයුර්වේද සත්කාරවලට යොමු වීමෙන් මෙවන් රෝගවලට ප්‍රතිකාර පැතීමට ඔබටත් හැකිය.

ශීත කෑම උෂ්ණ කෑම කියල දෙයක් තියෙනවද?

ආහාර වර්ගීකරණයේදී ශීත ආහාර හා උණුසුම් ආහාර ලෙස වර්ග කෙරෙනව. ශීත ආහාර ගැනීමෙන් සෙම් රෝග ඇතිවෙන බව බොහෝ දෙනෙකු අතර පවතින මතයයි. පුද්ගලයන් අතර ප්‍රචලිත මතයක් තමයි එළකිරි බිව්වම ළමුන්ට සෙම් රෝග ඇතිවෙනව කියල. නමුත් පිටිකිරිවලට සෙම ඇති නොවෙන බව ද පැවසෙනව. එම නිසා බොහෝ අම්ම්මලා දරුවන්ට දියර කිරි නොදී පිටි කිරි ලබා දෙන්න කටයුතු කරනවා.

බටහිර වෛද්‍ය විද්‍යාවට අනුව ශරීරයේ තිබෙන ප්‍රතිශක්තීකරණ පද්ධතිය උත්තේජනය වී වැඩිපුර ක්‍රියාකාරී වීම නිසා සෙම් ගතිය ඇති වෙන බව සදහන් වෙනව. මෙමගින් නාසය බුරුල් වීම, හුස්ම ගන්න විට සෙම් ගතිය වැඩි වීම ඇති වෙනවා. මෙලෙස ඇති වන අසාමාන්‍ය ප්‍රතික්‍රියා ආසත්මිකතාවක් ලෙස හදුන්වනු ලබනවා. මෙහිදී ප්‍රතිශක්තීකරණ පද්ධතියේ ක්‍රියකරීත්වය වැඩ්වීම සිදුවෙනවා. පුද්ගලයගෙන් පුද්ගලයාට මෙය වෙනස් වන අතර ප්‍රතිශක්තීකරණ පද්ධතිය සමාන්‍ය ප්‍රමාණයට ක්‍රියකරී වු විට කිවිසුම් යාම ඇති වෙනවා.

සමහර පුද්ගලයන්ට මනසිකව ද අසාත්මිකතවයන් ඇති වෙනවා. ඔවුන් හිතනවා කිරි බිවිවොත් සෙම ඇතිවෙයි කියල. එහෙම කියල හිතල බ්ව්වහමත් ඒ තත්වය ඇතිවෙන්න පුලුවන්. ආයුර්වේද වෛද්‍ය විද්‍යාවට අනුව ද ආහාර ශීත හා උණුසුම් ලෙස වර්ග කෙරෙනවා. උණුසුම් ආහර වශයෙන් ගොරකා, අඹ, ඉස්සෝ, දැල්ලෝ, මස්, මාලු, කරවල දක්වන්න පුලුවන්. මෙම ආහාර මිරිසට හුරු වියළි පෙනුමක් ගනු ලබනවා. සීතල ආහාර ලෙස මුං ඇට, ඇඹුල් කෙසෙල්, වැටකොලු, පතෝල, පිපිඤ්ඤා, පුහුල් ආදිය නම් කරන්න පුලුවන්.

ඉස්සෝ උෂ්ණයි කිව්වට ඇත්තටම වෙන්නේ ඉස්සන්ගේ ශරීරයේ මස්වල තිබෙන රසායනික සංයෝග ශරීරයේ ඇති රුධිර වාහිනී පලල් කිරීමයි. එම නිසා සමට වැඩිපුර රුධිරය ලැබෙනවා. එවිට සම රතු පැහැවීම, ඇස්වල දැවිල්ලක් ඇතිවීමත් සිදුවෙනවා. ඇඹුල් කෙසෙල්, ආනමාලු, කෝලිකුට්ටු කෙසෙල් වර්ග වුණාට එම වර්ග තුන වර්ගීකරණය වෙන්නේ තුන් ආකාරයකටයි. ඇඹුල් කෙසෙල් උණුසුම් ආහාරයක් ලෙසටත්, ආනමාලු ශීත ආහාරයක් ලෙසටත් වර්ග කරනු ලබනවා.

ඉහත සඳහන් කරන ලද සියලුම ආහාර පෝෂණ ගුණයෙන් ඉතාම ඉහළ ආහාරයි. මෙම ආහාර පරිභෝජනයෙන් ඉවත් කළ හොත් කන්න දේවල් නැති වෙනවා. ආහාර වලින් ආසාත්මිකතා තිබේද නැද්ද යන්න පිළිබඳව කුඩා කාලයේදී දැනගත හැකි වෙනවා. ඒ කාලයේදී ම මේ ආහාර ලබා ගැනීම අවම කරන්න. අනිත් පුද්ගලයන් කියන දේවල් ගැන අහලා ආහාර ගැනීම ගැන තීරණ ගන්න එපා

(Visited 1 times, 1 visits today)

Add Comment